حلت الفنانة رحمة أحمد ضيفة على صفحة Gossips في برنامج "في البوكس"، لتكشف عن الكثير من المواقف المرحة التي مرت بها في حياتها.
قالت رحمة أحمد: "محمد سلام أتفه واحد في العالم وهادي وبسيط وعمري في حياتي ما شوفته متضايق أو متعصب، وهو بيحب الغطس أوي فغالبا ده مأثر على شخصيته وهادي جدا".
وكانت رحمة أحمد شاركت محمد سلام في بطولة الجزأين السادس والسابع من مسلسل "الكبير" وأيضا مسرحية "على وضع الطيران".
مسلسل "الكبير" من بطولة أحمد مكي ومحمد سلام وبيومي فؤاد وهشام إسماعيل وحاتم صلاح ورحمة أحمد ومصطفى غريب وحسين أبو حجاج وسماء إبراهيم وعبد الرحمن حسن، كما يظهر عدد من ضيوف الشرف منهم نور وأحمد السقا وكمال أبو رية، وهو من تأليف مصطفى صقر، وإخراج أحمد الجندي.
أما مسرحية "على وضع الطيران"، شارك في بطولتها كل من شيكو وهشام ماجد ومحمد سلام ورحمة أحمد وشيماء سيف وأوتاكا ومصطفى غريب، ومن المقرر أن تُعرض بدءا من 25 وحتى 29 مايو الجاري في الرياض.
تعليقي علي التصريح
يعني لما تتكلمي عن فنان ونجم وشغال قبلك بسنين السنين واكبر منك يجي ب ١٥ سنه
يبقا اختيار الكلام اهم من اي حاجه مش عشان نضحك ونبان كوميديانات نقول علي نجم او زميل حتي ( ده اتفهه واحد في العالم ) من باب الهزار ومحدش يقولي اصلها عفويه وبسيطه وهو مش هيزعل وجو شيرين عبد الوهاب اللي بقا مرض منتشر في كتير من الممثلين كل ما يقولو حاجه متنفعش تتقال،
كل حاجه ليها اصول واداب يا اخوانا وعمرنا ما شفنا ده بيحصل في الاجيال اللي قبل كده!؟
بس دي مشكله للاسف اللي بيتشهرو فجأه قبل ما يفهمو مسؤوليه انك تبقا مشهور وبتعمل لقاءات وتتكلم ازاي وايه الفرق بين لقاء تلفزيون وقعده مع اصحابك في القهوه !؟
ويا ريت يا جماعه محدش يدخلنا في تفصيله انه بيحب تمثيلها او لا او متقبلها او لا ولا حد قال تبطل تمثيل ولا حد علق لها مشنقه ولا حد طالب بانها تتنفي برا مصر ولا اي كلام من الكلام العجيب ده!!!
لان ده مش موضوعنا .. احنا بنتكلم في الموقف نفسه كقاعده عامه لكل الناس ( المشاهير) انً في فرق بين الحياه والصحوبيه واللي يتقال في لقاء قدام جمهور عشان الصح والغلط بقو اصلا مش واضحين ومحتاجين شرح طول الوقت ودي في حد ذاتها كارثه والله.