لما سمعت مقدمة خليل البلوشي حسيت بفخر واعتزاز حبيت الراجل ده اكتر واكتر وبالمناسبة دا مش اول ولا اخر موقف له ، جرب تسمع المقدمه لوحدك كده بدون اي حاجه حواليك هتتأثر بالكلام بتاعه اللى طالع من القلب ومُعبر عن كل واحد فينا ، أنا عن نفسي مكنتش متفاجئ من كلامه أو موقفه وكنت حاطه ضمن الناس المتوقع أنها تتكلم الراجل ده مش هيعدي حدث كبير زي اللى بيحصل حالياً ، يراجل دا فـ كأس العالم للمنتخبات كان مشجع عربي واحد من الجمهور...
أما الشوالي فـ بالنسبة ليا لخص كل حاجه لما قال حكاية الدويله اللى معمول ليها هاله كبيره أنها لا تقهر ماهي الا مجرد "وهم" ومسيره ينتهي يوما ما ، الشوالي كعادته رجل مواقف ارجع لأي موقف أو حدث يخصنا كعـ..ـرب هتلاقيه موجود وبكل قوه ، أنا مش بحب الناس دي علشان تعليقهم جميل أو غيره لا انا بحبهم اكتر لمواقفهم الشجاعه النبيله ناس استخدموا منابرهم صح اتكلموا واسمعوا الملايين الناس دي عملت فنص دقيقه اللى معملتهوش دول بإعلامها..
شكراً لـ عصام الشوالي شكراً لـ خليل البلوشي شكراً لقناة بي إن العربيه الحره مواقف الرجال لاتنسي...❤️🫡