قولتلكم فالبوست اللي من يومين بتاع النقاش علشان تعمل نتيجه إيجابيه هناك لازم تلعب ع التحولات الهجوميه و الضغط المتقدم ع المدافعين لإن السيرد باكات بتاعتهم بعافيه شويتين.
ولكـن .. الهزيمه يتحملها كولر اللي سايبلهم التلت الأول و التاني من الملعب سداح مداح يرمح فيه الخيل.
الفرق اللي زي دي اللي آلاقي ضعفها في دفاعها محتاجه مهاجم هجام ميهمدش من الجري طول 90 دقيقه و بيعرف يخبط و يرزع و يعمل نوش للمدافعين لكن كولر منزل البسكوتايه صلاح محسن اللي ملمسش ٣ لمسات ع بعض واحده منهم لرضا سليم وصلك وأنت قاعد إنك تتنرفز و تشتم .. حصل و متقنعنيش إنه محصلش شتمنا كلنا.
في عز تألق الشحات نتفاجئ إنه دكه .. في عز تألق كوكا نلاقيه دكه.
تاو مكانش في الفورمه و أرهق الناشئ محمد هاني و كان في تكاسل منه في أدواره الدفاعيه .. اللي أكرم نزل قفل مياه و نور فالجبهه دي تحديدآ و بيدي جرس إنذار للناشئ إن مكانه في خطر !
كلمه السر في فقدان الكوره هو نص الملعب
ليه قفشـه ؟! و كوكا قاعد بره ع الدكه
مـروان من ساعة م والده إتوفي و هو مبقاش مروان لازم متخصص نفسي يقعد معاه علشان يخرجه من اللي هو فيه و يرجع مروان بتاع الموسم اللي فات
ديانج عمل اللي عليه لوحده في نص الملعب في وسط توهان الإتنين اللي جمبه
هقولها تاني و تالت و رابع وعاشـر ( رامي ربيعه مينفعش جمب عبدالمنعم ) يا ياسر مع عبدالمنعم.
يا ياسر مع رامي و نقول ع الدنيا السلامه 🥴
الشناوي لو عيل صغير ناشئ مش هيدخل فيه جول زي دا و إتكررت كتير نفس الكوره دي من كذا فرقه و مبيتعلمش من أخطاؤه ... الجماعه اللي إنتقدوني لما قولت لازم شوبير ياخد فرصه عاملين أي لما الأهلي أخر ٣ ماتشات أفريقيه يدخل فيه ٤ أجول 😉
- أسوء ماتش ممكن أشوفه للأهلي من كولر اللي وصل حارس صاندونز إنه يطلع من مرماه و يلعب تقسيمه مع المدافعين قبل خط النص .. قمة الإهانه و اللاعيبه لو عندها ذره دم تورينا الرد فالقاهره 🤝🏼