الفيلم مقسم لثلاث فصول ، الفصل الأول: وهو تعريف الشخصيات والحياة اليومية والظروف لكل واحد منهم وكمان المعناه اللى بتحصل للأب وطبعا غير كدة عنده إسقاطات و بيبين ظروف المجتمع الفلسطي.ني ومعاناه المواطنين ولكن مش بيغوص فيها لأن الفيلم اة بيهتم ب دة ولكن اللى بيميزه إنه بيركز على الحبكة بتاعته آكتر كمان بيوضح تواصل العيلة مع بعضها وإزاي غياب الاب ممكن يأثر على دة سواء مع الزوجة أو الاولاد وحاجات تانية كمان ، بس بيوريك فعلا إن رغم ال ٢٠٠ متر دول مسافة عبيطة ولكن تخطي الحاجز دة مش حاجة سهلة
- الفصل الثاني: وهو الفصل اللى بيبدأ فيه الاب إنه يدور على حل عشان يوصل لابنه فى المستشفى وبيضظر إنه يخاطر رغم إن عارف إن فيه احتمالية كبيرة إن ممكن يحصله حاجة لإنه مش داخل بشكل قانوني ولكن ابنه أهم حاجة ومن هنا بنتعرف على شخصيات جديدة بتبقى مع الاب وكل واحد له الدافع إنه عايز يعدي الحاجز والفصل دة حبيته جدا لأن بيعكس شوية كوميديا خفيفة وكمان بيعرفنا على شخصيات و المجتمع الفلسطي.ني عامل إزاي منهم اللى كاره الاسرائل.يين ومنهم اللى بيدور على المصالح أو الفلوس ومنهم اللى مالوش فى حاجة أصلا
- الفصل الثالث: هنا بنوصل للذروة الفيلم لإن معاناه الرحلة ديه بتيجي عند فصل معين وفعلا بيحصل تحول فى الاحداث بتوصل إنه يوترك وإن نفسك يقطع لما كمان بيحصل حاجة للشخصيات وبتزيد كمان من هنا التعقيدات اللى بتحصل لهم لأنها كمان تعقيدات داخلية آكتر منها خارجية من رغم إن فى حسبانهم التعقيدات الخارجية آكتر و احداثها فى دخول وخروج من التعقيدات الكتيرة اللى حصلت كانت موفقة وفيه كمان ذكاء
- يمكن بس آكتر حاجة معجبنيش فى الفيلم بشكل عام هو الفصل الثالث إن حسيت اتكروت فى النهاية أو يمكن أنا عشان حبيبت الفيلم آوي... ف ماكنتش عايزه يخلص لإن الفيلم مدته من غير تتر النهاية ساعة و 26 دقيقة ... لإنه حقيقي متميز جدا على مستوى السيناريو والحوار كمان
- على مستوى الأداء التمثيلي للأسف معرفش الأسماء ولكن الجميع ممتاز وخصوصا الاب اللى هو برضه مراحل ادأته التمثيلية زي فصول السيناريو بظبط وعكسه بشكل ممتاز... كمان عايز أشيد ب دور البنت وصاحبها اللى كانوا بيعملوا فيلم تسجيلي وجودهم كان إضافة مهمة... وحتى أدوار الدرجة الثانية و الثالثة كمان كانوا جيدين جدا
- كمان العناصر السينمائية فى الفيلم حلوة جدا رغم إن الافلام الفلسطنية أدواتها بسيطة وماعندهمش نفس الامكانيات اللى عندنا عل الاقل... بس متميزين على مستوى الموسيقى التصويرية والإضاءة والكدرات والتصوير وكان ليها رمزيات وحقيقي برشحلكم الفيلم بقلب
التقييم النهائي (9/10)
#FreePalestine