المارشيـل 3 كولر
وكإن بقا المُعتاد لكولر أو مزاجه ميتظبطش ولا يجيله نوم غير لما يكسب بالتلاته.
تعالي بقا ألفت نظرك لحاجه قولتلك قبل كدا إن إمام هو اللي بيقوم بدور معلول فالتغطيه الدفاعيه لما معلول يطلع لقدام، لكـن بعد مطلع إمام بقيت تشوف إن كُل الهجمات من ناحيه معلول .. فكولر أيقن إن نقطه قوه و هجمات إيهاب جلال من ناحيه عبدالرحمن مجدي قام موقفله معلول و منعه إنه يطلع بعد نص الملعب و قاله شغلك الشاغل في الماتش دا هو عبدالرحمن علشان كدا التلت التاني من الشوط الأول مبقيتش تشوف خطوره أوي.
جول الأهلي الأول والتاني لو لاحظت كلمه السر فيهم السرعه، الأول باص ع المغمض من إمام للشحات اللي بيحب يحط الكوره فالبعيده ع الأرض وسط ٣ أو ٤ مدافعين لكـن نصيب الجول مكتوب لتاو.
التاني من أسيست عالمي لكوكا اللي قولتلك قبل كدا إنه سلم نفسه و دماغه و جسمه لكولر .. فكولر أنتج لحضرتك النسخه اللي أنت بتشوفها من كوكا دي.
عاوز أقولك إن أي لاعب هيسلم نفسه لكولر هيبقي في حته تالته خالص و هيستمتع بنفسه كلاعب قبل م أنا أستمتع بيه كجمهور، نفس فكره تاو سلم نفسه لفكر كولر بقيت بتشوف لمسته في الملعب و أهو مان أوف ذا ماتش.
و هو هو اللاعب اللي كان مع موسيماني بس شغل المدرب بيبان في الأوقات اللي زي دي .. حط جول تالت من متابعه متوقعتش إنه يكون في المكان دا في الوقت دا.
طاهر بقا قصه تانيه لوحده خالص تحس إن الأهلي بيلعب ناقص لاعب .. مش مكانه آه وكولر حابب يجربه في المكان دا لكن تقيل و مبيرتدش و ٤/٣ باصاته غلط في غلط عدا أسيست التالت.
- بطوله الإسماعيلي بالنسبالهم السنادي هو الجول اللي حطوه في الماتش
فالنهـايه ... تم فرم المانجا بنجاح
#يلا_يا_أهلي 🦅♥️