كريستو هو لاعب كرة القدم التونسي محمد الضاوي، يلعب في مركز الجناح الأيمن في نادي الأهلي المصري، وفقًا لـ Transfermarkt، يبلغ سعره حاليًا حوالي 1.00 مليون يورو 1.
عاوز رأيي ؟!
لاعب طري في الكوره و اللي زي دا مبيجيش سكه مع النادي الأهلي، شرح بتوع الأستشوار ( الشيخ و حمدي ذكي و عمرو جمال )، لكن الأهلي محتاج اللاعب الجناح المخربش أو المطرشم.
زيد علي كدا إنه جناح محتاج حد يقعد معاه يفهم يعني أي جناح الأهلي لازم يكون عيل سافل كوره يا جسماني عفيجي كوره، إنما شغل الشوكه و السكينه دا هتلاقي نفسك بره.
موديست ... قولتلك إتفرج عليه و هو تحته صانع لعب
قفشه وصله للجول ٤ إنفرادات لكن أي إصراره إنه يركن جمب العارضه في الأرض أنا مش فاهم ! هل هو بيحب يبنض زي البلياردو و لا جولف أنا مش عارف أي وجهه نظـره فيها بصراحه، لكن في المُجمل كويس و مع الوقت هيستعيد المستوي و الأهداف.
عبدالمنعم و الشناوي
الإتنين كُبار لكن عبدالمنعم مبيحبش حد يقلل من قدراته أو يقل من قيمته و شخصيته، البعض ممكن يشوفه مغرور .. لو الغرور بالمُتعه و الجمال و العقل دا، فأنا أول واحد هيطالبه بإنه يكتر م الغرور .. الراجل حاسس بقدراته و هو فعلا يتاقل ألماس مش دهب بس.
جماعه محتاج أقولكم إن المدرب عامل حاله خلي الكل يخشي الأهلي سواء محلي أو إفريقي .. وهو من حقه بصراحه، بيشتغل بهدوء و مسيطر علي اللاعيبه وبتنفذ شغله بالحنتوفه، فبتشوف الجمال اللي أنت بتشوفه ع أرض الملعب دا.
في النهــايه .. اللي جاي كله بتاعنا 