الحقيقه من فتره كنت عايز أكتب عن الفنان أكرم حسني، لأني متابعه من أول ما ظهر في الراديو أصلا مش بس لما مثل أو عمل أبو حفيظه لأنه كان واضح أنه ملفت وعنده موهبه وكان الفرق ساعتها بقا هل هيستغلها ويطورها ولا هيضيع مع اللي ضاعو في سكه الوهم بتاع أنا موهوب ومشهور وحبوني وخلاص.
والحقيقه بعيدا عن أنه من الناس اللي بحبهم علي المستوي الشخصي والمهني إلا إنه كمان اثبتلي ولكتير من الجمهور والنقاد إنه موهوب وذكي ويستحق مكانته.
ومن الممثلين اللي بحترم ذكائهم جداااا في التعامل مع الشهره وبحترم ذكاءه الفني زي ذكائه الاجتماعي وتعامله مع الجمهور وزمايله في الوسط وكل دول مهمين عشان تقول عن ممثل إنه ( نجم) وأي لقاء ليه بشوفه مؤخرا بشوف في ردوده واجاباته قدر كبير من الذكاء والتفكير والاحترام مع خفه دم وده كوليكشن ينجح اي نجم.
الحقيقة حتي لو قولنا إنه مش أفظع ممثل موهبة في الكوكب بس يظل عنده مقومات وأدوات مهمه وهو عارفها ومستغلها في مكانها صح جدا.
ودليل ده وانه بيشتغل علي نفسه جدا إن مفيش أي ظهور ليه مؤخرا في أي عمل حتي لو مشهد صغير في فيلم مع أي ممثل تاني إلا وهتلاقيه معلم معاك وفاكره ومبسوط منه لأنه شغال بروح الهاوي اللي جاي ينبسط ومع ذلك مغلفه بذكاء فهمه لمتطلبات النجوميه والشهره لأنه شخص سوي وابن أصول فا برافو حقييقي لان الشخصيات دي مبقتش كتير في الوسط بالذات.
فا الحقيقه حبيت أحيي الفنان أكرم حسني واقوله بالتوفيق و كمل في طريقك ومن أحسن لأحسن إن شاء الله وارجووووك اي عمل هتدخله شوف الورق ثم الورق ثم الورق لأنك أي عمل ورقه كويس امكانياتك هتزوده وهيبقا عمل جيد جدا.
#mr_director