- التـاو تاو ... وِلـد الباڤانا بڤانا 🦅♥️
بيرسي الأيام دي بيعيـش أجمل فترات حياته الكرويه ليه كلاعب، وجايله عرض من نادي جلطه سراي التركي لكـن رفض و قالك مين يسيب المجد و الشهره اللي في الأهلي دي كلها و يمشي.
بالنسبه للأهلي ليه الخير و الفضل في تلميع نجم تاو تاني بعد مكان مطفي و الناس كانت بتنتقده و أنا واحد منهم، من لاعب باهت و أداء باهت في الملعب الموسم اللي قبل اللي فات مع بيتسو موسيماني و مرحله التحول في أداءه مع مارسيل كولر.
هو نفسه مأنكرش فضل الأهلي علي إنه صبر عليه بعد مكان يعتبر مشطب كوره وجاي من برايتون كالطير المكسور الجناح و المنتوف ريشه .. أصبح دلوقتي مع كولر مينفعش يحط خطته إلا وفيها تاو.
وقالك أنا لازم أثبت نفسي و أثبت للجمهور إن مش صفقه فاشله زي ميكي ماوس 😂
دا الفرق بين لاعب عاوز يتطور و بين لاعب عايش علي ذكريات الماضي و سايب نفسه لمهب الريح يوديه مكان ميروح (ط) 😉
تاو سلم نفسه لكولر بعد مكان بيتصاب أكتر مبيلعب .. فكولر خلي المكنه تطلع قماش بعد مكانت مصديه مع موسيماني.
لإن بيتسو كان السبب الاول و الأخير في كتر الإصابات اللي كانت بتحصله، هتقولي إزاي هقولك الأدوار المركبه اللي كانت بتتطلب منه كانت بتتعبه هو شخصيا .. مره مهاجم صريح .. مره صانع لعب .. مره مهاجم وهمي حرفيآ عمله دوشه للراجل في دماغه.
تاو جناح و بيبدع لما يكون جناح .. فحناح بجناح كولر قاله إلعب و إتمتع في الملعب و متع نفسك قبل متمتعني و تمتع الجمهور.
فالآخـر ... بتشوف المتعه اللي بيعملها تاو لحد دلوقتي مع كولر ♥️