🔴عدلى القيعى امبارح كان ضيف مع ابراهيم فائق واتكلم كلام جميل وكانت ردوده مميزة فى جميع الاسئلة لكن استوقفنى إجابته على سؤال ابراهيم فايق بخصوص التعاقد مع إمام عاشور وربطها بمبادىء الأهلى وموقف الأهلى مع حسام عاشور
🔴القيعى لما جه يرد ضرب مثال عن الأسرة وقال لو ابنى وابن جارى شتموا واخطأوا أنا ممكن اتقبل ده من ابن الجيران لانى معرفش ايه الدافع إللى خلاه يغلط ويشتم لكن ابنى اللى أنا مربيه غير مقبول أنه يغلط وقال فى نهاية كلامه ابن الجيران خبط على الباب واعتذر فطبيعى اقبل اعتذارة واخليه يلعب مع اولادى
🔴طبعا التسامح شىء جميل جدا يا كابتن عدلى لكن الاجمل لما تخليه اسلوب حياة لانه لو التسامح حصل فيه استثناءات بيكون من وجهة نظرى أمر غير مقنع وغير منطقى وطالما ضربت مثال بهذه الطريقة أسرياً فهقول وجهة نظرى بنفس الطريقه أسرياً 👇
💥حضرتك لو عندك إبن وبرغم تربيتك النموذجية له والاخلاقيات العالية اللى زرعتها فيه منذ الصغر لكنه أخطأ فى حقك فى يوم من الايام خطأ وحيد والخطأ وارد لأننا لسنا ملائكة أو أنبياء معصومين ومن منا بلا خطيئة
💥وجاء ابن الجيران وأخطأ فى حقك وقد يكون خطأه أكثر قوة كمان من خطأ الابن وفى النهاية الاتنين (ابنك وابن الجيران) اعتذروا عن خطأهم
💥هل المنطقى والطبيعى أن تقبل اعتذار الغريب ولا تقبل اعتذار ابنك
💥هل المنطقى والطبيعى أن تحتوى الغريب وتفتح له ذراعيك وتدخله منزلك وفى المقابل تتبرأ من ابنك وترفض عودته للمنزل .
🔴اعتقد لو كل أب عاقب إبنه على خطأ ارتكبه ورفض اعتذاره وتبرأ منه ورفض عودته للمنزل كل ابنائنا سيصبحوا فى الشارع بلا أهل
🔴والمنطق والعقل والغريزة الأبوية بتقتضى على الأباء مسامحة الأبناء واحتوائهم وليس التبرأ منهم لمجرد خطأ وحيد ده المثل بيقول إن كبر ابنك خاويه وصاحبه .
🔴 يا أخى دا انت لو ابنك عاق وبيعمل كل يوم مشاكل بردو متطردوش وتتبرأ منه بالعكس تحتويه وتحاول تقومه فمابالك لو ابنك اساسا شخص محترم عمره ما عمل أى مشكله واللى حصل منه ده يعتبر الخطأ الوحيد اللى ارتكبه فى حقك
🔴ملحوظه لمن لا يعرف ما الذى ارتكبه حسام عاشور وما الذى ارتكبه إمام عاشور وده على لسان القيعى 👇
📌حسام عاشور : اتصل أو طلع لايف فى وقت متأخر وانتقد مجلس الإدارة بأسلوب غير لائق واعتذر رسميا للجمهور ولمجلس الإدارة بشكل عام والكابتن الخطيب بشكل خاص وده أول خطأ يرتكبه كابتن الأهلى على مدار 18 سنه بيلعب فريق أول .
📌إمام عاشور : شتم وسب رموز الأهلى الاحياء منهم والاموات وضرب الكابتن وليد سليمان واعتذر رسميا
🔴 ياريت توحدوا المعايير الله يباركلكم حتى لا تفقدوا مصداقيتكم .